சத்தான கோதுமை ஓட்ஸ் ஊத்தப்பம் எப்படிச் செய்வது

சத்தான கோதுமை ஓட்ஸ் ஊத்தப்பம் எப்படிச் செய்வது


தேவையானப்பொருட்கள்:

கோதுமை மாவு – ஒன்றரை கப்
ஓட்ஸ் – முக்கால் கப்
தயிர் – அரை கப்
பேக்கிங் பவுடர் – அரை தேக்கரண்டி
வெங்காயம் – 3
தக்காளி – 2
பச்சை மிளகாய் – 3
கறிவேப்பிலை, கொத்தமல்லித் தழை
எண்ணெய், உப்பு – தேவையான அளவு


எப்படிச் செய்வது?

• ஓட்ஸை வெறும் கடாயில் சிறிது வறுத்து ஆறியதும் மிக்சியில் போட்டு பொடித்துக் கொள்ளவும்.

• வெங்காயம், தக்காளி, பச்சை மிளகாய், கறிவேப்பிலை மற்றும் கொத்தமல்லித் தழையை பொடியாக நறுக்கிக் கொள்ளவும்.

• ஒரு பாத்திரத்தில் கோதுமை மாவுடன் பொடித்த ஓட்ஸ், தயிர், பேக்கிங் பவுடர் மற்றும் உப்பு சேர்த்து கலந்து, தண்ணீர் ஊற்றி ஊத்தப்ப மாவு பதத்திற்கு கரைத்து ஒரு மணி நேரம் ஊறவிடவும்.

• ஒரு மணி நேரம் கழித்து மாவுடன் நறுக்கிய வெங்காயம், தக்காளி, பச்சை மிளகாய், கறிவேப்பிலை, கொத்தமல்லித் தழை சேர்த்து கலந்து 10 நிமிடங்கள் வைத்திருக்கவும்.

• பிறகு அடுப்பில் தவாவை வைத்து சூடானதும் எண்ணெய் விட்டு மாவை ஊத்தப்பமாக ஊற்றி வேகவிட்டு எடுக்கவும். சத்தான, சுவையான கோதுமை ஓட்ஸ் ஊத்தப்பம் தயார். சட்னி, சாம்பாருடன் பரிமாறவும்.

RELATED

Rates : 0

Loading…