மண்ணீரல் வீக்கத்தை குணப்படுத்த சிறப்பான இயற்கை உணவுப் பொருள் இதுதான்

மண்ணீரல் வீக்கத்தை குணப்படுத்த சிறப்பான இயற்கை உணவுப் பொருள் இதுதான்

கல்லீரல் அழற்சி நோய்கள், இரத்த நோய்கள் மற்றும் நிணநீர் மண்டலத்தில் உள்ள பிரச்சனை போன்றவைகள் தான் மண்ணீரல் வீங்கி பெரிதாகி இருப்பதற்கான முக்கிய காரணங்களாகும். ஒருவரது உடலில் உள்ள மண்ணீரலில் பணி என்னவென்று தெரியுமா? அது தான் இரத்தத்தை வடிகட்டி, சிவப்பு மற்றும் வெள்ளை இரத்தணுக்களைப் பராமரிப்பதாகும். அதோடு உடலைத் தாக்கும் நோய் கிருமிகளிடமிருந்து பாதுகாப்பு வழங்கும் முக்கிய பணியையும் செய்கிறது.

இத்தகைய மண்ணீரல் வீங்கி இருந்தால், அதனால் சரியாக செயல்படாமல் போவதுடன், இரத்த செல்களை அழிக்கவும் செய்யும். மண்ணீரல் வீக்கத்தை ஒருசில அறிகுறிகள் கொண்டு அறிந்து கொள்ள முடியும். அந்த அறிகுறிகள் அனைத்தும் அன்றாடம் நாம் சந்திக்கும் பொதுவான பிரச்சனைகள் போன்று தான் இருக்கும். ஆனால் இது அப்படியே நீடித்தால் உடனே மருத்துவரை அணுக வேண்டியது அவசியம்.

மண்ணீரல் வீக்கம் மிகவும் தீவிர நிலையில் இருந்தால், மருத்துவர்கள் அதனை அகற்றும் படி கூறுவார்கள். ஒருவரது உடலில் இருந்து மண்ணீரலை அகற்றிவிட்டால், பின் உடலால் நோய்க்கிருமிகளை எதிர்த்துப் போராட முடியாமல், அடிக்கடி உடல்நல குறைவால் அவஸ்தைப்படக்கூடும். எனவே கவனமாக இருங்கள்.

இக்கட்டுரையில் மண்ணீரல் வீக்கத்திற்கான அறிகுறியும், அதனை இயற்கை வழியில் சரிசெய்யும் சில எளிய வழிகளை தமிழ் போல்ட் ஸ்கை கொடுத்துள்ளது. அதைப் படித்து தெரிந்து கொள்ளுங்கள்.

மண்ணீரல் வீக்கத்திற்கான அறிகுறிகள்:
* எடை குறைவு

* மஞ்சள் காமாலை

* மூக்கு அல்லது வாயில் இருந்து இரத்தக்கசிவு

* களைப்பு

* இரத்த சோகை

* மலம் கழிக்கும் போது கடுமையான வயிற்று வலி

* பசியின்மை

* வலது பக்க அடிவயிற்றின் மேல் பகுதியில் வலி

* மூச்சு விடுவதில் சிரமம்

இப்போது மண்ணீரல் வீக்கத்தை சரிசெய்ய உதவும் சில இயற்கை வழிகளைக் காண்போம்.

இரவில் படுக்கும் முன் ஆப்பிள் சீடர் வினிகரில் பப்பாளி காயை ஊற வைத்து, மறுநாளை காலையில் அதை துண்டுகளாக்கி, அதன் மேல் 6 கிராம் உப்பைத் தூவி சாப்பிடுங்கள். இதனால் வீங்கிய மண்ணீரல் அதன் பழைய நிலைக்கு இயற்கையாகவே மாறும்.

வீங்கி இருக்கும் மண்ணீரலை சரிசெய்வதற்கான மற்றொரு சிறப்பான ஓர் உணவுப் பொருள் தான் நாவல் பழம். இதனால் மண்ணீரல் வீக்க பிரச்சனையில் இருந்து விரைவில் விடுபடலாம்.

இயற்கை வெண்காரம் 12 கிராம் மற்றும் கடுகு விதை 20 கிராமை பொடி செய்து கொள்ள வேண்டும். பின் தினமும் இரண்டு வேளை 1 கிராம் என்ற கணக்கில் உட்கொண்டு வர, மண்ணீரல் வீக்கம் குறையும்.

தினமும் 1-2 டம்ளர் நற்பதமான ஆப்பிள் ஜூஸ் குடிப்பதால், நிணநீர் மண்டலம் சுத்தமாவதோடு, வீங்கிய மண்ணீரலும் இயற்கையாக குறைய ஆரம்பிக்கும். மேலும் ஆப்பிள் ஜூஸை தினமும் குடிப்பதால், ஒட்டுமொத்த உடல் ஆரோக்கியமும் மேம்பட்டு, நோய்த்தாக்கம் குறையும்.

தினமும் 3-4 லிட்டர் நீரில் 2-3 டேபிள் ஸ்பூன் சோம்பு மற்றும் 1/2 டீஸ்பூன் ஓமம் சேர்த்து கலந்து, தினமும் சாதாரண நீருக்கு பதிலாக இந்த நீரைக் குடிப்பதால், மண்ஷீர் வீக்கம் சரியாகும்.

1 கப் பீட்ரூட் ஜூஸ் உடன் 1 டேபிள் ஸ்பூன் இஞ்சி சாறு சேர்த்து கலந்து, தினமும் 2-3 முறை குடிப்பதால், மண்ணீரல் நன்கு செயல்படுவதோடு வலிமையாகவும் செய்யும்.

தினமும் 200-250 கிராம் பப்பாளியை வெறும் வயிற்றில் சாப்பிடுவதன் மூலம், மண்ணீரல் வீக்கம் மற்றும் அழற்சி போன்றவை சரியாகும். மேலும் மண்ணீரலால் ஏற்படும் வலியும் நீங்கும். இப்படி பப்பாளியை சாப்பிட்டால், மண்ணீரல் இரத்த செல்களில் இருந்து பாக்டீரியாக்களை வெளியேற்ற உதவும்.

ஒருவரது மண்ணீரல் ஆரோக்கியம் பாழாவதற்கு முறையற்ற உணவுப் பழக்கம் முக்கிய காரணமாகும். எனவே தினமும் சரிவிகித டயட்டை மேற்கொள்வதன் மூலம், மண்ணீரலை ஆரோக்கியமாக வைத்துக் கொள்ளலாம்.

ஏற்கனவே வயிற்று வலியை அனுபவித்துக் கொண்டிருக்கும் போது, செரிமானமாவதற்கு கடினமாக இருக்கும் பொருட்களான இறைச்சி உண்பதைத் தவிர்த்திடுங்கள். இதனால் மண்ணீரல் வீக்கம் குறைவதோடு, வலியும் போய்விடும்.

மண்ணீரல் வீக்கம் இருப்பவர்கள், தக்காளியை அறவே தவிர்க்க வேண்டும். இத்தகையவர்கள் தக்காளி சேர்த்த உணவை அறவே தவிர்த்தாக வேண்டும். இதில் உள்ள விதை ஏற்கனவே வீங்கியுள்ள மண்ணீரலின் நிலைமையை மோசமாக்கிவிடும்.

புரோட்டீன் மற்றும் கொழுப்புக்கள் ஏராளமாக நிறைந்த மாட்டிறைச்சியை எப்போதும் தொடக்கூடாது. மேலும் புரோட்டீன் நிறைந்த உணவுகளை ஒரே வேளையில் அதிகமாக சாப்பிடும் பழக்கத்தைத் தவிர்க்கவும் வேண்டும்.

மது அருந்துவதை அறவே தவிர்க்க வேண்டும். அதோடு நிக்கோட்டின் மற்றும் கார்போனேட்டட் பானங்கள் குடிப்பதையும் தவிர்க்க வேண்டும். இதனால் மண்ணீரலின் நிலைமை மோசமாவதோடு, எதிர்பார்க்காத தீவிர விளைவை சந்திக்க நேரிடும். எனவே இதை கட்டாயம் செய்ய வேண்டும்.

நார்ச்சத்து அதிகம் நிறைந்த தானியங்கள், பீட்ரூட், கேரட் மற்றும் கீரை வகைகளை அதிகமாக உணவில் சேர்த்துக் கொண்டால், மண்ணீரல் வீக்கத்தைத் தவிர்க்கப்படுவதோடு, அதன் ஆரோக்கியம் மேம்படவும் ஆரம்பிக்கும்.

மிகவும் சூடான உணவுகளை எப்போதும் உட்கொள்ளக்கூடாது. சூடான உணவுகள் மண்ணீரல் வீக்கத்தை மோசமாக்கும். எனவே வெதுவெதுப்பான நிலையில் எதையும் உட்கொள்ளுங்கள்.

குடைமிளகாயில் உள்ள வைட்டமின் சி, மண்ணீரல் வீக்கத்தை சரிசெய்வதோடு, அதில் உள்ள இதர வைட்டமின்கள் மற்றும் கனிமச்சத்துக்கள் மண்ணீரல் ஆரோக்கியத்தை மேம்படுத்தும்.

Rates : 0

Loading…